महाविकास आघाडीच्या बारामतीच्या राष्ट्रवादी काँग्रेसच्या (शरदचंद्र पवार) उमेदवार सुप्रिया सुळे यांनी शक्ती प्रदर्शन करत उमेदवारी अर्ज दाखल केला

प्रतिनिधी द. महाराष्ट्र न्यूज

राष्ट्रवादी काँग्रेस शरदचंद्र पवार या पक्षाच्या वतीने निवडणूक लढवित असणाऱ्या महाविकास आघाडीच्या अधिकृत उमेदवार खा.सुप्रिया

सुळे यांनी गुरुवारी रोजी प्रचंड शक्तिप्रदर्शनासह आपला उमेदवारी अर्ज

दाखल केला. याप्रसंगी सुप्रिया सुळे यांनी पुन्हा एकदा निवडून येण्याचा निर्धार व्यक्त केला. याप्रसंगी काँग्रेसचे जेष्ठ नेते बाळासाहेब थोरात,

शिवसेना उद्धव बाळासाहेब ठाकरे पक्षाचे पुणे जिल्हा संपर्क प्रमुख व

आमदार सचिन अहिर, सुषमा अंधारे, माजी मंत्री व आमदार विश्वजित

कदम, खासदार व शिरूर लोकसभा मतदारसंघाचे महाविकास

आघाडीचे उमेदवार डॉ अमोल कोल्हे, आमदार संग्राम थोपटे, आमदार

संजय जगताप, आमदार अशोक पवार, माजी आमदार जयदेव

गायकवाड, युगेंद्र पवार, राष्ट्रवादी काँग्रेस पार्टी शरदचंद्र पवार पक्षाचे

इंदापूर तालुकाध्यक्ष तेजसिंह पाटील, दाैंड तालुकाध्यक्ष आप्पासाहेब

पवार, रामभाऊ टुले यांच्यासह महाविकास आघाडी व इंडिया

आघाडीचे पदाधिकारी व कार्यकर्ते आदी उपस्थित होते.

सुप्रिया सुळे म्हणाल्या, राष्ट्रवादी काँग्रेस पक्ष- शरदचंद्र पवार पक्षाच्या

वतीने महाविकास आघाडीची अधिकृत उमेदवार म्हणून मी बारामती

लोकसभा मतदारसंघातून निवडणूक लढवित आहे. या निवडणूकीचा

उमेदवारी अर्ज आज विधान भवन येथे शरद पवार साहेब व त्यांच्यावर

नितांत प्रेम करणारी जनता महाविकास आघाडीचे नेते पदाधिकारी व कार्यकर्ते यांच्या साक्षीने दाखल केला. आपल्या बारामती लोकसभा

मतदारसंघातील जनतेचे आशीर्वाद, शुभेच्छा, अतूट विश्वास आणि भरघोस पाठबळ यांच्या जोरावर मला पुन्हा या मतदारसंघाचे लोकसभेत प्रतिनिधीत्व करण्याची संधी मिळेल हा विश्वास आहे.

मायबाप जनतेची सेवा, महिला, शेतकरी, कष्टकरी, कामगार यांचा

सन्मान आणि महाराष्ट्राचा स्वाभिमान कायम बुलंद राखण्यासाठी मी

लढत आहे. या लढतीत मायबाप जनता माझ्या सोबत राहिल याची मला खात्री आहे
तत्पूर्वी त्यांनी भारतरत्न डॉ बाबासाहेब आंबेडकर यांच्या पुतळ्यास

पुष्पहार अर्पण करून अभिवादन केले